पोर्ट्रेट फोटोग्राफी: टिप्स
माणसांच्या भावना टिपणे हे एक दिव्य असते.
एक फोटोग्राफर म्हणून बर्‍याच जणांच्या भावना टिपायला बराच वाव मिळतो. काही वेळेला त्या भावांना मुद्दामून पोज देऊन तयार केलेले असतात. परंतु त्यात कधी मजा येत नाही.
फोटोग्राफर म्हणून फ्री वेडिंग किंवा वेडिंग किंवा मॅटर्निटी अशा अनेक प्रकारचे शूट मी करत असतो. परंतु त्यामध्ये मी मुद्दामून पोज द्यायला सांगत नाही. समोरच्या लोकांना किंवा कपल असेल त्यांना मी निवांतपणे एखादी थीम सांगतो.
त्यांना हे सांगतो की आता या थीमवर तुम्ही इमॅजीन करा की तुम्ही जर का तसे जगत असतात तर काय केले असते. तुम्ही एकमेकांशी काय बोलला असतात तसे वागला असतात, कसे चालला असतात. मग त्या दोघांना मी पूर्णपणे मोकळे सोडून देतो एकमेकांच्यात involve होण्यासाठी आणि त्या एका प्रकारच्या इमॅजिनेशन मध्ये घुसण्यासाठी. आणि मग मी निवांत जास्तीत जास्त नैसर्गिक फोटो घेण्याचा प्रयत्न करतो.
प्री वेडिंग शूट मध्ये एक गोष्ट मी कटाक्षाने पाळतो जी बरेचसे फोटोग्राफर मला कधीही करताना दिसले नाहीत. बरेचसे फोटोग्राफर ऑर्डर घेतात आणि डायरेक्ट त्या कपल ला प्री-वेडिंग च्या दिवशी किंवा वेडिंग च्या दिवशी भेटतात. परंतु मी मात्र ज्यांच्याबरोबर प्री-वेडिंग फोटोशूट असते त्यांच्याबरोबर कमीत कमी एक ते दोन वेळा निवांतपणे कॉफी शॉप मध्ये त्यांना बोलावून गप्पा मारत बसतो. जरी समोरचे लोक ओळखीतले असले तरीदेखील. आणि ओळखीचे नसले तरी.
कारण त्यामुळे तुमचे तुमच्या समोरील लोकांबरोबर एका प्रकारे ट्युनिंग जुळून येते. त्यांना जुजबी काही गोष्टी तोंडी सांगितल्या जातात. मुख्यतः फोटोग्राफर आणि समोरील माणसे यांच्यामध्ये त्या पद्धतीचे कम्युनिकेशन आणि बॉण्ड असणे फार गरजेचे आहे. त्यामुळे समोर बसलेल्या कपल ला नर्वस नेस कमी असतो. शूटिंग चालू केल्यानंतर पहिले एक-दीड तास नाहीतर त्यांच्याबरोबर ट्यूनिंग जमवण्या मध्येच जातो.
आत्तापर्यंतच्या फोटोशूटमध्ये हाच अनुभव आहे की मुले असतात कॅमेरासमोर प्रचंड शाय आणि लाजाळू. मुलींना साधारण दहा वर्षांमध्ये बऱ्याच वेळा स्वतःकडे बघायची सवय असते त्याचप्रमाणे आपण कशा पद्धतीने जास्तीत जास्त चांगले दिसतो याची त्यांना जाण मुलापेक्षा जास्त असते. मुली त्यामानाने कॅमेरासमोर प्रचंड बोल्ड असतात. मुलांना मात्र कायम एका पद्धतीचा तणाव असलेलाच मला दिसलेला आहे.
परंतु स्ट्रीट फोटोग्राफी मध्ये किंवा नॅचरल फोटोग्राफीमध्ये मात्र अशी अडचण येत नाही. अर्थात तुमच्या डोळ्यांनी तो क्षण टिपणे आणि बोटाने कॅमेराचे बटण त्याच शहाणी दाबणे फार गरजेचे असते कारण एखादा सेकंद देखील फार महत्त्वाची गोष्ट किंवा ॲक्शन मिस करू शकते. खाली काढलेले बरे च फोटो या प्रकारात काढलेले आहेत.
लोकांना वाटते फ्लॅश ही अंधारात वापरण्याची गोष्ट आहे परंतु ते पूर्णत चुकीचे आहे. फ्लॅश आणि जास्तीचा लाईट नेहमी दिवसाढवळ्या उजेडा मध्ये वरून असतानाच सगळ्यात जास्त उपयोगाला येतो. अर्थात या गोष्टी कमी शब्दात येथे समजावून सांगू शकणार नाही की...... का आणि कसे?
खालील फोटोंचा आस्वाद घ्या व काही सुधारणा सुचवायचे असल्या तरी त्या देखील नक्की सांगा. कारण कोणताही फोटो बरोबर आणि चुकीचा नसतो परंतु प्रत्येक जणांची बघण्याची दृष्टी वेगळी असल्याने छोट्या सूचना देखील अत्यंत महत्त्वाच्या ठरतात.
#mayurthelonewolf
कोणत्याही टिप्पण्‍या नाहीत:
टिप्पणी पोस्ट करा