प्रसंग दुसरा – प्रबोधनकार ठाकरे यांनी लिहिलेल्या चरित्र ग्रंथात
कर्मवीर भाऊराव पाटील, त्यांच्याशेजारी गाडगेबाबा,त्यांच्याजवळ डॉ.बाबासाहेब आंबेडकर व माईसाहेब आंबेडकर असा तो दुर्मिळ फोटो आहे. त्याबाबत माईसाहेबांनी
सांगितलेली ही हकीकत आहे.
डॉ.बाबासाहेब आंबेडकर त्यावेळी भारताचे कायदेमंत्री व घटना समितीच्या मसुदा समितीचे अध्यक्ष होते. दिल्लीहून परत येतांना गाडगेबाबांच्या मिशनसाठी त्यांनी १०० घोंगड्या घेऊन आले होते. त्यांचा मुक्काम सिद्धार्थ कॉलेजच्या वरच्या
मजल्यावर होता. दुसऱ्या दिवशी गाडगेबाबांना भेटण्यासाठी जाणार असतांना त्यांना कळले की गाडगेबाबांची तब्येत बरी नसून ते जे.जे.हॉस्पिटलमध्ये आहेत. म्हणून त्यांनी ड्रायव्हरला गाडी हॉस्पिटलकडे नेण्यास सांगितली.
गाडी त्या दिशेने जात असतांना गाडगेबाबा उलट दिशेने झपझप पाउले टाकत फुटपाथवरून येत असल्याचे दिसले.
बाबासाहेबांनी तिथेच गाडी थांबवून गाडगेबाबांना भेटले.
बाबासाहेब म्हणाले, ‘बाबा कुठे निघालात?’ गाडगेबाबा म्हणाले, ‘बाप्पा, तुमच्याकडेच.’ डॉ.बाबासाहेबांनी गाडगेबाबांचा हात हातात घेतला. तेव्हा त्यांना जाणवले की,
गाडगेबाबांच्या अंगात ताप आहे. डॉ.बाबासाहेब त्यांना तसे म्हणाले.
तेव्हा गाडगेबाबा म्हणाले, ‘होय साहेब, तब्येत बरी नाही. तुमच्यासोबत फोटो काढण्यासाठी तुमच्याकडे चाललो होतो. तेथे जवळपास फोटो स्टुडीओ नव्हता. पण
पुढच्या चौकात एम्पायर इमारतीमध्ये कोपर्डेकर यांचा स्टुडिओ होता. त्यावेळी तो फोटो तेथे काढण्यात आला
होता.
असे हे दोन प्रसंग दोन क्रांतिकारकांच्या सहृदय भेटीची
आहेत
कोणत्याही टिप्पण्‍या नाहीत:
टिप्पणी पोस्ट करा