रोपटं

*इवलंसं रोपटं मी*
*तू म्हणालास तर मरून जाईन*

*ओंजळभर पाणी दे मला*
*आयुष्यभर तुझ्या कामा येईन*

*दिलं जीवदान मला तर*
*तुला जगायला प्राण वायू देईन*

*जगवलंस मला तर*
*तुझ्या देवांसाठी फुलं देईन*

*फुलवलंस मला तर*
*तुझ्या मुलांसाठी फळं देईन*

*तळपत्या उन्हामध्ये*
*तुझ्या कुटुंबाला सावली देईन*

*तुझ्या सानुल्यांना खेळावया*
*माझ्या खांद्यावर झोका देईन*

*तुझ्या आवडत्या पाखरांना*
*मायेचा मी खोपा देईन*

*कधी पडला आजारी तर*
*तुझ्या औषधाला कामा येईन*

*झालो बेईमान जरी मी*
*शेवटी तुझ्या सरणाला कामा येईन*
              ....
🌱🌱🌱🌱🌱🌱🌱🌱🌱🌱
*...एक रोपटं   *